"Интер Майами" ҳужумчиси Лионель Месси ўзининг келажак режалари билан ўртоқлашди.

37 ёшли аргентиналик футболчининг флоридаликлар билан тузган шартномаси 2025 йилнинг охиригача амал қилади. Юлдуз форвард ҳозирги жамоаси билан шартномасини узайтирадими ёки йўқми, ҳозирча номаълум.

"Фаолиятимни якунлаганимдан кейин нима қилишни хоҳлаётганимни билмайман. Мен мураббий бўлишни хоҳламайман, лекин ҳали ҳаммаси аниқ эмас. Мен бугун билан яшашни яхши кўрадиганларданман, шунинг учун ҳозир фақат ўйинлар, машғулотлар ва майдонда роҳатланиш ҳақида ўйлаяпман", - деди Месси журналист Фабрицио Романо билан суҳбатда.