"Барселона"нинг 17 ёшли ҳимоячиси Пау Кубарси ўқиш ва футболчилик фаолиятини бирлаштириш ҳақида гапирди. У эрталабки машғулотдан сўнг мактабга кетаётганини айтди.
"Ўрта мактабнинг иккинчи курс талабасиман. Эрталаб мен "Барселона" билан машғулот ўтказаман, кейин мактабга бораман ва 15:00'дан 20:00 гача у ерда бўламан. Агар Чемпионлар лигаси ўйини бўлса ёки жамоа билан сафарга боришим керак бўлса, мактабни ўтказиб юборишим керак. Кейин мен синфдошларимдан ўтилган дарсларни сўраб оламан", - дейди Кубарси.
