"Бунёдкор" клубининг асосий дарвозабони Игнатий Нестеров жамоаси билан ОЧЛ баҳсини ўтказиш учун Таиландга бормади. Клуб матбуот хизмати вазиятга ойдинлик киритиш мақсадида футболчи билан кичик суҳбат ўтказди.
— "Бухоро" билан кечган баҳсда тиззамдан жароҳат олдим. Бироқ бу қўрқинчли эмас. Ҳозир ўйнайдиган бўлсам, жароҳатим жиддийлашиб, кейин узоқ муддатга сафдан чиқишим мумкин экан. Буни шифокорлар таъкидлашди. Мураббийим Миржалол Қосимов билан маслаҳатлашиб, Тошкентда қолишни афзал кўрдим. Ҳали мен учун ўта муҳим бўлган терма жамоа ўйинлари бор, — дейди Игнатий Нестеров.
Баҳодир Мирзаев суҳбатлашди.
