Италия футболида А Сериянинг ўнинчи тур учрашувлари бўлиб ўтди, Туриннинг “Ювентус” клуби “Парма”ни мағлуб эта олмади, ўйин 2:2 ҳисобида якунланди.
Турин клуби устози Тиаго Мотта журналистларнинг саволларига изоҳ бериб, октабр ойида чемпионлик унвони қўлга киритилмаслигини тушунтириб этди.
"Ҳимояни яхшилашимиз керак, охирги икки ўйинда жуда кўп гол ўтказиб юбордик. Жадвал? Мен бунга қарамайман ҳам, октабрда скудетто ютилмайди. Лекин биринчи бўлиш учун ҳозирдан кўра кўпроқ иш қилиш керак, бу аниқ", - дея Мотта сўзларини келтиради derbyderbyderby.it.
Навбатдаги чемпионат учрашувида туринликлар “Удинезе”га қарши майдонга тушади.
