«Манчестер Юнайтед» Рубен Аморимни клубга бош мураббий этиб тайинлангач, «Спортинг» футболчисига қизиқиш билдирмоқда.
"A Bola" хабарига кўра, Антони ўрнига 17 ёшли португалиялик Жованни Кенда варианти кўрилмоқда. Қайд этилишича, ёш иқтидор эгасининг шартномасида юз миллион еврога тенг товон пули белгиланган, шу боис футболчини арзонга сотиб олиш жуда мушкул иш.
Жорий мавсумда Кенда Аморим бошчилигида «Спортинг» сафида 15 та ўйин ўтказиб, 2 та гол урди ва битта голли узатмани амалга оширди. Жованнининг Португалия клуби билан шартномаси 2027 йилнинг 30 июнига қадар амал қилади.
