Антонио Конте "Наполи" фақат ибодат билан чемпионликка эриша олмаслигини айтди.
Неаполликлар А Сериянинг 10-туридан кейин 25 очко билан турнир жадвалида пешқадамлик қилмоқда. Иккинчи ўриндаги "Интер" эса 4 очко кам.
"Наполи" бош мураббийидан жамоанинг якуний чемпионлиги мўжиза бўладими, деган савол берилди.
"Мен эътиқодли одамман, аммо мўъжизалар ярата оладиган биргина одамни биламан. Мен ҳар доим, ҳатто жамоа учун ҳам, оиламдан ташқари, футболчилар учун ҳам ибодат қиламан.
Чемпионатда қўшимча очколар олиб келиши мумкин бўлган ажойиб нарсаларни яратиш учун биз ҳаммамиз, ошпаздан тортиб, кийим-кечак устасигача биргаликда ишлашимиз керак. Биз хатога йўл қўя олмаймиз, бунга ҳаққимиз ҳам йўқ. Албатта, футболда ҳар доим мўъжизалар бўлган, лекин бунга умид қилиш учун ишлаш керак, фақат ибодат қилиш етарли эмас," - деди Конте.
