Суперлигада 23-тур ўйинлари давом эттирилди. "Локомотив" жамоаси бу тур ўз майдонида "Насаф"ни қабул қилди ва 0:1 ҳисобида имкониятни бой берди. Беллашувдан сўнг жамоа бош мураббийи Александр Крестинин матбуот анжуманида иштирок этди.

"Насаф"ни ғалаба билан табриклайман. Бир ярим тайм бир киши кам бўлиб ҳаракат қилиш оғир. Йигитлар бугун катта куч билан жанг қилишди. Афсуски, ўйлаганларимизни амалга ошира олмадик.

"Локомотив" кетма-кет бешинчи учрашувда мағлубиятга учради. Бунга сабаб нима?

Фикрингизга қўшиламан. Ҳар бир учрашувда сўз билан тасвирлаб бўлмас индивидуал хатоларга йўл қўйиб келяпмиз. Футболчиларнинг хатолари туфайли мағлубиятга учраяпмиз, афсуски.

Иван Рогач ҳеч ким кутмаган паллада четлатилди. У ҳакамга нима деган эди?

Бир нарсани тўғри қабул қилиш керак. Ҳакамлар ҳеч ким билан гаплашмайди ва ҳакамларга гапиришга ҳеч кимнинг ҳаққи йўқ. Бу барча жойда бор, ёзиб қўйилган қоида. Ҳакам ҳаммасини тўғри қилди.

Ҳимоячи бундай қилиш мумкин эмаслигини билмас эдими? У бундан хабардор эди. Биз интизомни бузгани учун жарималар қўллаймиз. Тўғриси, бундай жарималарга ишим тушишини ҳеч қачон ўйламаган эдим. Футболчи нима бўлганда ҳам ўз ҳиссиётларини жиловлай олиши керак. Бундай қила олмаса, уни профессионал деб аташ нотўғри бўлади. У 20 ёшли футболчи эмас, ахир. Хатто, бу ёшдаги футболчини ҳам бундай қилишга ҳаққи йўқ.

Ўз туйғуларини тия олмайдиган футболчини, профессионал деб аташ нотўғри. У 20 ёшлик футболчи эмас, ҳаттоки 20 ёшли футболчи ҳам бундай қилишга ҳаққи йўқ.