“Барселона” жорий Ла Лига мавсумида урилган голлар сонини 40 тага етказиб олди.
Ханс-Дитер Флик жамоаси бу кўрсаткичга бор-йўғи 12 турдан сўнг эришди. Айни дамда "кўк-анорранглилар"нинг голлари "Реал Мадрид" ва "Атлетико Мадрид"ни бирлаштиргандан кўра кўпроқ (39та), дея қайд этади Barca Universal.
"Қаймоқранглилар" 11 учрашувда рақиблар дарвозасини 21 бор ишғол қилган бўлса, "матрасчилар" 12 учрашувда 18 та гол уришга муваффақ бўлишди.
Айни пайтда "Реал" ва "Атлетико" турнир жадвалида "Барселона"нинг асосий таъқибчиси бўлиб турибди.
Каталонияликлар 33 очко билан пешқадамлик қилган бўлса, Карло Анчелотти ва Диего Симеоне жамоалари мос равишда 24 ва 23 очко жамғарган.
