Матвей Сафонов "ПСЖ" сафида кетма-кет иккинчи ўйинда асосий таркибда майдонга тушиши мумкин.
L'Equipe нашрининг ёзишича, россиялик дарвозабоннинг "Ланс" билан ўйиндаги (1:0) ҳаракати Луис Энрикеда яхши таассурот қолдирган.
Таъкидланишича, Сафонов парижликлар сафида чоршанба куни "Атлетико"га қарши Чемпионлар лигаси ўйинида Жанлуижи Доннарумма ўрнига майдонга тушиши мумкин.
Француз нашри таъкидлаганидек, "ПСЖ" бош мураббийи бир неча ҳафтадан бери дарвозабон позициясидаги иэрархияни ўзгартиришни кўриб чиқмоқда. Бунинг сабабларидан бири Доннарумманинг оёқ билан яхши ўйнамаслиги ва тўпга чиқишдаги ишончсизлиги, бу айниқса "Арсенал" билан ўйинда (0:2) яққол сезилди.
Сафонов Лига1 да 3 та ўйин ўтказган бўлса, шундан 2 тасида дарвозасини дахлсиз сақлаб қолган.
