Matvey Safonov "PSJ" safida ketma-ket ikkinchi o‘yinda asosiy tarkibda maydonga tushishi mumkin.

L'Equipe nashrining yozishicha, rossiyalik darvozabonning "Lans" bilan o‘yindagi (1:0) harakati Luis Enrikeda yaxshi taassurot qoldirgan.

Ta’kidlanishicha, Safonov parijliklar safida chorshanba kuni "Atletiko"ga qarshi Chempionlar ligasi o‘yinida Janluiji Donnarumma o‘rniga maydonga tushishi mumkin.

Fransuz nashri ta’kidlaganidek, "PSJ" bosh murabbiyi bir necha haftadan beri darvozabon pozisiyasidagi ierarxiyani o‘zgartirishni ko‘rib chiqmoqda. Buning sabablaridan biri Donnarummaning oyoq bilan yaxshi o‘ynamasligi va to‘pga chiqishdagi ishonchsizligi, bu ayniqsa "Arsenal" bilan o‘yinda (0:2) yaqqol sezildi.

Safonov Liga1 da 3 ta o‘yin o‘tkazgan bo‘lsa, shundan 2 tasida darvozasini daxlsiz saqlab qolgan.