"Эспаньол" бош мураббийи Маноло Гонсалес "Барселона" мухлисларининг хатти-ҳаракатларидан ғазабланганини тан олди.

Дербида "кўк-анорранглилар" устун келди – 3:1. Танаффусга қадар 3:0 ҳисоби қайд этилган бўлса, иккинчи бўлимда меҳмонлар 1 та гол билан жавоб қайтара олишди.

"Барселона" мухлисларининг менга "Сегундага" деб ҳайқиргани мени ақлдан оздирди. Ичим ёниб кетди, бу ҳақда футболчиларимизга танаффусда айтдим. Бу биз учун мотивацияга айланди, бу иккинчи бўлимдаги ўйинимизда яққол намоён бўлди", - деди Гонсалес ўйиндан кейинги матбуот анжуманида.