Жои Бартоннинг фикрича, Лисандро Мартинес Коул Палмерга нисбатан қўполлик қилгани учун майдондан четлатилиши керак эди.
Иккинчи бўлимга қўшиб берилган вақтда (1:1) “Манчестер Юнайтед” ҳимоячиси “Челси” ярим ҳимоячисининг тиззасига бутсанинг таг қисми билан зарба берди.
Бош ҳакам Роберт Жонс аргентиналик футболчини майдондан четлатмади, балки унга сариқ карточка кўрсатди.
ВАР ҳаками эпизоднинг такрорини кўриб чиқди, бироқ бундан кейин бош ҳакамнинг қарори ўзгармади.
"Лисандро қизил карточка олиши керак эди. ВАР ҳеч нарсани тушунмади", деб ёзди “Манчестер Сити”нинг собиқ футболчиси.
