Франциянинг “Лилль” клуби бош мураббийи Бруно Женезио “Ювентус”га қарши ўйиндан олдинги фикрлари билан ўртоқлашди.
"Чемпионлар лигасидаги ҳар бир ўйин ўзига хос, аммо натижага эришиш учун қатъият ҳар доим муҳим. "Ювентус" ҳам барча Италия жамоалари каби жуда яхши ташкил этилган ва унга қарши ўйнаш қийин.
Биз Чемпионлар лигасида иккита йирик ғалабага эришдик ва курашни тўхтатмоқчи эмасмиз. Жамоа бор кучини беради, ажойиб мухлисларимиз футболчиларга куч беради", - дея Женезио сўзларини келтиради УEФА матбуот хизмати.
"Лилль" - "Ювентус" ўйини эртага, 5 ноябрь куни бўлиб ўтади.
