Саудиянинг "Ал-Ҳилол" клуби "Ливерпуль" ҳужумчиси Муҳаммад Салоҳнинг клублар ўртасидаги жаҳон чемпионатида иштирок этиши учун трансферини тезда расмийлаштиришга умид қилмоқда.
Клублар ўртасидаги янги жаҳон чемпионатининг илк тури келаси йил ёзида АҚШда бўлиб ўтади ва “Ал-Ҳилол” ФИФА турнирининг 32 нафар иштирокчисидан бири ҳисобланади.
Айниқса, клублар ўртасидаги жаҳон чемпионати иштирокчилари учун трансфер ойнаси муддатидан аввал – 1 июндан 10 июнга қадар очилади. Бу жамоаларга Америкага ўз янги футболчиларини олиб кетиш имконини беради.
ТalkSPORT эксклюзив хабарига кўра, "Ал-Ҳилол" ушбу даврда "Ливерпуль" билан шартномаси мавсум охирида якунига етадиган Салоҳни қўлга киритишга умид қилмоқда.
Эслатиб ўтамиз, Салоҳ 2020 йилда “Ливерпуль” билан клублар ўртасидаги жаҳон чемпионатида ғолиб чиққанди. Мисрлик футболчи "қизиллар" билан биргаликда АПЛ ва Чемпионлар лигасида ҳам ғолиб чиқди.
