Тез орада Лиссабоннинг "Спортинг" клубини "Манчестер Юнайтед"га алмаштирадиган Рубен Аморим ўзининг ўйин ёндашуви ҳақида гапирди.
Португалиялик мураббийдан инглиз мухлисларига ўз футболининг моҳиятини тушунтириб бера оласизми, деб сўрашди. 39 ёшли мутахассис тафсилотларга чуқур киришни истамади.
"Мен инглиз мухлислари ёки оммавий ахборот воситаларига ниманидир кўрсатишдан кўра, ўйинчиларимга қулайлик яратиш, ғалаба қозониш ҳақида кўпроқ қайғураман. Мен ўйинчиларга эътибор қаратганман, улар учун қулай бўлиши керак," - деди Аморим TNT Sports билан суҳбатда.
