"Милан" дарвозабони Майк Меньян "Реал Мадрид" ҳужумкор ўйинчилари таҳдиди ҳақидаги саволга жавоб берди.
Сешанба куни Испания пойтахтида бўлиб ўтадиган Чемпионлар лигаси ўйини арафасида журналистлар "россонерилар" дарвозабонидан "қаймоқранглилар"нинг даҳшатли ҳужуми ҳақида сўрашди. Француз бундан хавотирланмади.
"Агар мен ўзимни энг яхши деб ҳисобламасам, ҳеч ким буни мен учун қилмайди. Мен дунёнинг энг яхши дарвозабонлари рўйхатида бешинчи ўринни эгалладим, лекин барибир яхшиланишни хоҳлайман. Менинг устувор мақсадим - эртага бўладиган ўйин," - дея "Милан" футболчисининг сўзларини келтирмоқда TMW.
