"Байер" ярим ҳимоячиси Гранит Жака Чемпионлар лигаси доирасидаги "Ливерпуль" билан бўлажак ўйиндан нимани кутаётгани ҳақида гапирди.
Жамоалар сешанба куни "Энфилд"да тўқнаш келишади.
"Ливерпуль" бошқа савиядаги жамоа, айниқса "Энфилд"да. Мен у ерда ўйнаш қандай эканлигини биламан. Рақиб қанчалик кучли эканини тушуниб турибмиз, лекин қўрқмаслигимиз керак. Албатта, биз "Ливерпуль"нинг кучли томонларини биламиз, лекин менимча, ҳар бир жамоанинг ўз заиф томонлари бор. Биз бундан унумли фойдаланишимиз керак. Агар керак бўлса жамоадошларим билан ўз тажрибамни баҳам кўришга тайёрман", - деди Леверкузенга ўтишдан олдин Лондоннинг "Арсенал" жамоасида ўйнаган Жака матбуот анжуманида.
