"Барселона" футбол жамоатчилигини Ханс-Дитер Флик бошчилигидаги ўйини билан ҳайратга солмоқда.
Каталонияликлар Ла Лиганинг атиги 12 туридан сўнг рақиб дарвозасига 40 та гол уришди - ҳар бир ўйинда ўртача 3,3 гол.
Barca Universal таъкидлаганидек, агар жамоа мавсум охиригача ўзининг ҳозирги тўпурарлик кўрсаткичини сақлаб қолса, чемпионатни 127 гол билан якунлайди.
Бу кўрсаткичга Испания олий дивизионида ҳеч ким эриша олмаган. Ўтган турда "Барселона" ўз майдонида "Эспаньол"ни мағлуб этди (3:1). Ла Лиганинг навбатдаги ўйинида "кўк-анорранглилар" "Реал Сосьедад"га қарши майдонга тушади.
