"Милан" Мадридда "Реал"га қарши муваффақиятли ўйнади ва у ерда Чемпионлар лигаси гуруҳ босқичининг 4-турида ғалаба қозонди.
"Милан"нинг ҳам, "Реал"нинг ҳам собиқ устози Фабио Капелло ўйиндаги бу натижадан ҳайратда қолганини тан олди. У "Милан"дан бундай ишончли ғалабани кутмаганди:
"Муса, Фофана, Рейндерс - ҳамма ажойиб ўйин ўтказди, жамоа учун ҳамма жуда муҳим. Лекин энг муҳими Фонсеканинг ўйинга тайёргарлиги бўлди, бешта ҳимоячи бир қаторда тизилди, бу эса "Реал"нинг қанотларда ўйинини кенгайтиришга тўсқинлик қилди.
Бу жуда муҳим. Мен бундай яхши ва кучли "Милан"ни кутмагандим", - дея Капеллонинг сўзларини келтиради pianetamilan.it.
