Мадриднинг “Реал” клуби директори Эмилио Бутрагуеньо УEФА Чемпионлар лигасининг умумий босқичида “Милан”дан учралган мағлубият ҳақида фикр билдирди. Испанияликлар кутилмаганда 1:3 ҳисобида имкониятни бой беришди.
"Тан олишимиз керакки, жамоа ҳозир энг яхши дамларини бошдан кечирмаяпти. Биз ўзимизни бирлаштириб, бу вазиятда хотиржам бўлишимиз керак", - дейди жамоа директори.
Ушбу фиаскодан сўнг мадридликлар олти очко билан Чемпионлар лигаси жадвалида бор-йўғи 17-ўринни эгаллаб турибди. Испания Ла Лигасида "Лос Бланкос" иккинчи ўринда бормоқда.
