«Барселона» марказий ҳимоячиси Рональд Араухонинг тикланиш жараёни жуда яхши кетмоқда ва у тикланишнинг сўнгги босқичига етди, деб хабар беради "Barca Times".
Уругвайлик футболчи январда майдонга қайтиши кутилганди, аммо бу муддат қисқартирилди. Энди Араухо шу ой охиригача қайтиши кутилмоқда.
Каталонияликлар мураббийлар штаби футболчининг соғлиғини хавф остига қўйиш ниятида эмас, шу боис уни аста-секин ўйин вақти билан таъминлайди.
25 ёшли Араухо июль ойида Америка кубоги чорак финалида Бразилияга қарши ўйинда (0:0, пенальтилар бўйича 4:2) жароҳат олган эди.
