"Ливерпуль" "Реал"дан Орельен Тчуамени сотиб олмоқчи.
Журналист Саша Тавольерининг маълум қилишича, Премьер-лига клуби 24 ёшли Франция терма жамоаси ярим ҳимоячисининг трансфери борасида "қироллик клуби" вакиллари билан боғланган.
Мадридликлар ярим ҳимоячини сотишга тайёрлиги хабар қилинганидан кейин "Ливерпуль" Тчуамени билан алоқани давом эттирмоқда.
Инглизлар Орельенни 2022 йилнинг ёзида "Монако"дан 80 миллион евро эвазига Испанияга ўтишидан олдин ҳам сотиб олмоқчи эди.
Таъкидланишича, "Лос-Бланкос" футболчини 60 миллионга сотишга тайёр.
Тчуамени кеча "Милан"га қарши Чемпионлар лигаси ўйинида (1:3) тўпиғидан жароҳат олди ва бир ойни ўтказиб юборади.
