Мадриднинг “Атлетико” клуби дарвозабони Ян Облак “ПСЖ”га (2:1) қарши ўйиндан сўнг журналистлар билан суҳбатлашди.
“Матрасчилар” 93-дақиқада Анхель Корреанинг голи эвазига меҳмондаги ғалабани қўлга киритишди.
"Бу футбол. Ўтган сафар "Лилль" билан ўйинда 1:3 ҳисобида мағлуб бўлган ўйинда биз жуда кўп ажойиб лаҳзаларни ўтказдик. Бугун имкониятлар кўп бўлмади, лекин биз ғалаба қозондик. Қийин учрашув. Балки бизнинг энг ёрқин ўйинимиз эмас, лекин асосийси - уч очко", - деди Облак.
Диего Симеоне шогирдлари 4 турдан кейин 6 очко билан Чемпионлар лигаси умумий жадвалида 23-ўринда бормоқда. "ПСЖ" 4 очко билан 25-ўринда.
