Каталониянинг “Барселона” клуби Чемпионлар лигаси гуруҳ босқичининг 4-турида Белградда ажойиб ўйин ўтказди.
Германиялик мутахассис Ханс-Дитер Флик жамоаси Сербиянинг “Црвена Звезда” жамоасини 5:2 ҳисобида мағлуб этди. Франциялик ҳимоячи Жюл Кунде ушбу ўйинда учта голли узатмани амалга оширди ва немис мураббийи унинг ўйинидан жуда мамнун.
"Кунде муносабати билан бутун жамоага ажойиб ўрнак бўлди. Унинг ўйин услуби ажойибдир", - дея Фликнинг сўзларини келтиради "Барселона" расмий сайти.
Каталония клуби охирги марта 2015 йилда Чемпионлар лигасида ғолиб чиққан эди.
