"Реал Мадрид" марказий ва ўнг қанот ҳимоячисини сотиб олишни режалаштирмоқда. Бу ҳақда журналист ва инсайдер Фабрицио Романо ўзининг YouTube каналидаги подкастида хабар беради.

Манбага кўра, "Лос Бланкос" трансфер бозорида январда ҳам, ёзда ҳам фаол бўлади. Қайд этилишича, қишки трансфер ойнасидаги устувор мақсад номи тилга олинмаган марказий ҳимоячи ҳисобланади.

Аввалроқ "Реал" Анчелотти жамоасининг натижаларини яхшиламаса, уни истеъфога чиқариш имкониятини кўриб чиқаётгани ҳақида хабар берилганди. Италиялик мутахассис ўрнига асосий номзод "Баер" устози Хаби Алонсо сифатида кўрилмоқда.