"Барселона"нинг ҳужумкор ярим ҳимоячиси Рафинья Европанинг топ-лигаларида жорий мавсумда гол ва ассистентлик кўрсаткичига эришган биринчи футболчига айланди. Бу ҳақда клуб матбуот хизмати хабар берди.
"Рафинья - Европанинг топ-лигаларида гол (12) ва голли узатма (10) бўйича энг яхши кўрсаткичга эришган биринчи футболчи", - деб ёзади "кўк-анорранглилар" ижтимоий тармоқда.
Аввалроқ, Рафинья яна бир ютуғини қайд этган эди. "Барселона" вингери еврокубоклар тарихида "Бавария"га қарши ўйинда хет-трик қайд этган беш футболчидан бирига айланди. Ўшанда "Барселона" УЕФА Чемпионлар Лигаси умумий босқичи 3-тур учрашувида мюнхенликларни 4:1 ҳисобида мағлуб этди.
