«Барселона» ярим ҳимоячиси Педри "Martinez y Hermanos" дастури меҳмони бўлди. Ёш футболчи кўрсатувда жамоа бош мураббийи Ханс-Дитер Фликнинг қаттиққўллиги ҳақида гапирди.
Педрининг сўзларига кўра, «Блауграна»нинг собиқ бош мураббийи Хави бир дақиқа кечикиш учун футболчиларни 1000 евро жаримага тортган. Ҳар бир кейинги дақиқа учун жарима икки баравар кўпайган. Фликга келсак, агар у кечикса, футболчини асосий таркибдан ёки ҳатто кейинги ўйин учун таркибдан чиқариб ташлайди.
Чоршанба куни «Барселона» Чемпионлар лигаси доирасида «Црвена Звезда»ни меҳмонда 5:2 ҳисобида мағлуб этди. Флик жамоаси навбатдаги ўйинни 10 ноябрь, якшанба куни «Реал Сосьедад»га қарши ўтказади.
