Мадриднинг "Реал" клуби ҳимоячиси Давид Алаба жиддий жароҳатдан сўнг сафга қайтишга яқин турибди.

Австриялик футболчи ўтган йилнинг декабрь ойида хоч боғлами йиртилгани сабабли сафдан чиққанди. Яқинда 32 ёшли футболчини фаолиятини якунлашга мажбур қилиши мумкин бўлган асоратлар ҳақида гап кетганди, бироқ кейинчалик бу маълумот рад этилди. Diario AS'нинг янгиланган маълумотларига кўра, Алаба тикланишнинг сўнгги босқичида. Ўйинчи керакли ҳолатга эга бўлиши ва ўйинларда иштирок этишини кутиш учун камида яна бир неча ҳафта керак бўлади.

Давид Алабанинг "Реал" билан шартномаси 2026 йилнинг ўрталарига қадар амал қилади. Марказ ҳимоячиси 2021 йилда "Бавария"дан "Лос Бланкос" сафига қўшилди.