"Манчестер Юнайтед" еврокубоклардаги ғалабасиз сериясига чек қўйди.

"Қизил иблислар" Европа лигаси доирасидаги ўйинда ўз майдонида Греция ПАОКни мағлуб этди (2:0). Ҳар икки гол муаллифи 50 ва 77-дақиқаларда гол урган Амад Диалло бўлди.

"Манчестер Юнайтед" бир йилдан кўпроқ вақт давомида - 380 кундан бери Еврокубокларда ғалаба қозона олмаётганди. Манкунианликларнинг Европа аренасидаги аввалги ғалабаси 2023 йилнинг 24-октябрь куни бўлиб ўтган – ўшанда улар Даниянинг "Копенгаген" клубини мағлуб этган (1:0).

Англия гранди тўрт турдан сўнг 6 очко билан Европа Лигаси умумий турнир жадвалида 15-ўринда бормоқда. Бунгача "Юнайтед" "Твенте" (1:1), "Порту" (3:3) ва "Фенербахче" (1:1) билан дуранг ўйнаганди.