Пайшанба куни эрталаб «Реал Мадрид» футболчилари ва мураббийлар штаби «Барселона» (0:4) ва «Милан» (1:3)га қарши кечган ҳалокатли ўйинлар бўйича йиғилиш ўтказишди. "Marca" хабарига кўра, учрашув кескин ўтган, бироқ унинг натижаси ижобий баҳоланмоқда.
Йиғилишда футболчи ва мураббийлар айбдор топмаган ҳолда «Реал Мадрид»нинг муаммоларини саралаб олишди. Футболчилар ўзгариши кераклигини тан олишди. Машғулотлардаги ушбу учрашувдан сўнг "Лос-Бланкос" футболчилари бошқача динамика кўрсатишди. Олдинда «Осасуна»га қарши ўз майдонида ўйин бўлиб, мухлислар бунга муносабат кутишмоқда.
«Реал Мадрид» - «Осасуна» учрашуви 9 ноябрь куни Тошкент вақти билан соат 18:00да бошланади.
