"Манчестер Юнайтед" футболчилари Рубен Аморимнинг яқин орада келишидан хурсанд.
Manchester Evening News нашрининг кийиниш хонасидаги манбаларга таяниб хабар беришича, футболчилар мураббийнинг "Спортинг"даги фаолиятидан қойил қолишган ва энди мавсумни муваффақиятли ўтказишга оптимистик қарашмоқда.
"Манчестер Юнайтед" футболчилари Руд ван Нистелройнинг вақтинчалик мураббий сифатидаги фаолиятидан ҳам мамнун. Бир манба нидерландияликнинг ишини "аъло" деб таърифлаган.
Аксарият ўйинчилар собиқ мураббий Эрик тен Хагни ҳам ҳурмат қилишади, бироқ ўзгаришлар ҳамма учун фойдали бўлади деб ўйлашади. Аморим душанба куни расман ўз лавозимига киришади.
