"Manchester Yunayted" futbolchilari Ruben Amorimning yaqin orada kelishidan xursand.
Manchester Evening News nashrining kiyinish xonasidagi manbalarga tayanib xabar berishicha, futbolchilar murabbiyning "Sporting"dagi faoliyatidan qoyil qolishgan va endi mavsumni muvaffaqiyatli o‘tkazishga optimistik qarashmoqda.
"Manchester Yunayted" futbolchilari Rud van Nistelroyning vaqtinchalik murabbiy sifatidagi faoliyatidan ham mamnun. Bir manba niderlandiyalikning ishini "a’lo" deb ta’riflagan.
Aksariyat o‘yinchilar sobiq murabbiy Erik ten Xagni ham hurmat qilishadi, biroq o‘zgarishlar hamma uchun foydali bo‘ladi deb o‘ylashadi. Amorim dushanba kuni rasman o‘z lavozimiga kirishadi.
