"Реал" ҳимоячиси Лукас Васкес қанча муддатга сафдан чиққани маълум бўлди. Бугун, 9 ноябрь куни “Реал” Испания чемпионатининг 13-тури доирасида ўз майдонида “Осасуна”ни мағлуб этди.
Ўйин 4:0 ҳисобида якунланди. Биринчи бўлим охирида 33 ёшли Васкес жароҳат олди, аммо танаффусга қадар ўйнади.
Бироқ ўйиннинг иккинчи бўлими бошлангунга қадар ҳимоячи алмаштирилди. Синовлардан сўнг Васкес мушакларидаги жароҳат туфайли уч ҳафтага яқин майдонга тушмаслиги маълум бўлди, дея хабар беради журналист Фабрицио Романо.
