"Ливерпуль" Арне Слотт қўл остида биринчи мавсумни ажойиб ўтказмоқда.
Шанба куни "қизиллар" "Астон Вилла"ни мағлуб этишди (2:0) ва "Манчестер Сити" билан очколар фарқини бештага етказди. 11 турдан сўнг "Ливерпуль" АПЛда мумкин бўлган 33 очкодан 28 очко тўплади - бу клуб тарихидаги иккинчи энг юқори кўрсаткич. Мерсисайдликлар дастлабки 11 турда фақат Юрген Клопп қўл остидаги 2019/20 йилги мавсумда янада ажойиб ўйин кўрсатишди - 31 очко. Ўша йили жамоа ишончли тарзда чемпионликни қўлга киритди.
Арне Слот ёзда "Ливерпуль"да Юрген Клоппнинг ўрнини эгаллади. Немис мутахассиси бу лавозимда саккиз ярим йил ишлаган.
