Лондоннинг «Челси» клуби яримҳимоячиси Хуан Мата Европа Лигасининг «Бенфика»га қарши учрашувидан кейин ўйин борасида ўз фикрларини билдириб ўтди.

«Мен жудаям хурсандман. Биз энди қўшимча дақиқалар ҳақида ўйлай бошлагандик. Бироқ бизда сўнгги сонияларда бурчакдан зарба бериш имконияти пайдо бўлиб қолди».

«Тўп ёнига боришим билан мен ўтган йилги Европа чемпионлар лигаси финалини ёдга олдим. Бу сафар ҳам ўшандай ҳолат такрорланди. 25 ёшимдаёқ эришган натижаларим билан фахраланаман».

«Бенитес клубда жуда катта кўламдаги ишни бажарди. Шахсан мени ўсишим учун менга жуда кўп ишлашимга шароит яратиб берди».

«Ҳозирча ҳеч ким келгуси мавсумда жамоани ким бошқаришини билмайди. Аммо умид қиламизки, ким келишидан қатъий назар биз ўсишда, ривожланишда давом этамиз», дея футболчининг сўзларидан иқтибос келтирмоқда «Marca» нашри.