«Интер Майами» МЛС мунтазам чемпионлигини қўлга киритди, аммо плей-оффнинг биринчи раундидаёқ турнирни тарк этди. Лионель Месси ва унинг жамоаси «Атланта Юнайтед»га икки ғалабагача бўлган серияда ютқазди. Бугун тонгда «Интер Майами» рақибига 2:3 ҳисобида имкониятни бой берди. Натижада, Месси жамоаси учун мавсум якунланди.
«Интер Майами» бош мураббийи Херардо Мартино эса ҳакамликдан шикоят қилди.
«Биринчи бўлимда аниқ, жуда аниқ пенальти бор эди. Суареснинг зарбасидан кейин тўп рақибнинг қўлига тегди, ҳакам эса ҳатто вазиятни текширмади ҳам. Бу мен учун ҳал қилувчи лаҳза бўлди», - деди Мартино "ESPN" телеканалига берган интервьюсида.
Мессининг «Интер Майами» билан яна бир йилга мўлжалланган шартномаси бор.
