"Арсенал" АПЛда қаторасига 4та ўйинда ғалаба қозона олмади.
Бугун Микель Артета шогирдлари АПЛнинг 11-турида "Челси" билан дуранг ўйнади (1:1).
Олдинги учта лига ўйинида "канонирлар" "Борнмут" (0:2) ва "Ньюкасл"га (0:1) мағлуб бўлган, "Ливерпуль" билан дуранг ўйнаган (2:2). Охирги марта "Арсенал" Премьер-лигада 5 октябрь куни "Саутгемптон" билан ўйинда (3:1) ғалаба қозонган.
"Челси" Премьер-лигадаги сўнгги 5 ўйинда фақат битта ғалабага эришди - "Ньюкасл" (2:1). Шунингдек, бу даврда Энзо Мареска шогирдлари "Ливерпуль"га ютқазиб қўйди (1:2) ва уч марта дуранг ўйнади.
11-турдан сўнг "Челси" ва "Арсенал" АПЛ турнир жадвалида мос равишда 3 ва 4-ўринларни эгаллаб туришибди. Жамоалар 19 очкодан тўплашди - "кўклар" тўплар нисбати яхшироқ бўлгани учун юқорироқда.
