Омар Мармуш жорий мавсумда Франкфуртнинг "Айнтрахт" жамоасида 16 та ўйинда 14+10 кўрсаткичга эга.

Франкфуртлик ҳужумчи Бундеслиганинг 10-турида "Штутгарт"га қарши ўйинда (3:2) гол урди ва Юго Экитикега голли узатма берди.

Мисрлик футболчи Германия чемпионати тўпурарлари рўйхатини Харри Кейн билан бирга 10 учрашувда 11 та гол урган ҳолда пешқадамлик қилмоқда. Мармуш, шунингдек, Европа Лигасининг 4 та ўйинида 2 та ва Германия кубогининг 2 ўйинида биттадан гол урган.

Мармуш топ-5 лигада "Ливерпуль"дан Муҳаммад Салоҳ билан бирга голли узатмалар бўйича биринчи ўринни эгаллаб турибди - иккаласида ҳам 10 та голли узатма бор.

Омар Германия чемпионатида 7 та, Европа лигасида битта ва Германия кубогида 2 та голли узатмани амалга оширган.