"Реал" ҳужумчиси Винисиус Жуниор жамоа ўз ўйинини топди, деб ҳисоблайди.
"Лос Бланкос" мавсумнинг дастлабки ойларида қийинчиликка дуч келди. Карло Анчелотти Килиан Мбаппе ва Винисиусни бир вақтнинг ўзида сифатни йўқотмасдан ва жамоага зарар етказмасдан майдонда жойлаштириши қийин бўлди. Мураббийнинг ўзи ҳам "Реал"да мувозанат етишмаётганини тан олди.
Яқинда Ла Лига доирасида "Осасуна"га қарши ўйинда (4:0) бразилиялик форвард хет-трик қайд этди. Унинг сўзларига кўра, муаммоларнинг ечими аллақачон топилган.
"Мен энг яхши формамдаман. Умид қиламанки, биз кўплаб совринларни қўлга кирита оламиз. Мураббий вазиятга ечим топди", - дея Винисиуснинг сўзларини келтиради Madrid Universal.
