Ламин Ямалнинг отаси ўғлининг бир нечта “Олтин тўп”ни қўлга киритишига ишонади.
17 ёшли "Барселона" ва Испания терма жамоаси вингери 2024 йилги соврин учун овоз беришда 8-ўринни эгаллади.
“Мен унинг юлдуз эканлигини, бошқаларга ўхшамаслигини тезда англадим. Болалигиданоқ унинг аравачасида тўп бор эди.
Мен унга доим ишонардим, дўстларимга у дунёнинг энг яхши футболчиси бўлишини, у ҳақиқий олмос эканлигини тинмай гапирардим.
У майдонда ҳам, майдон ташқарисида ҳам аввалгидек қолиши, завқланиши керак. Энди у катта одамга айланди. Ўтган куни унга бу ҳақда айтдим ва кўз ёшларимни тия олмадим.
Унинг “Олтин тўп”га номзод бўлганига ҳайрон бўлмадим, сиз унинг нимага қодирлигини атиги 20 фоизга кўргансиз.
Мен уни қанот ҳужумчиси эмас, балки ўнинчи рақам деб биламан. Унда Зинедин Зидан каби марказда, ҳужумчи ортида ўйнаш қобилияти ва характери бор", деди Мунир Насрауи.
