«Манчестер Юнайтед» жамоаси бош мураббий вазифасини бажарувчи Руд ван Нистелрой бошчилигидаги 4-учрашувини ўтказди ва АПЛ 11-турида «Лестер»ни мағлуб этди – 3:0.

11 ноябрь куни жамоани Рубен Аморим қабул қилиб олади.

Ушбу 4 ўйинда «МЮ» 3 марта ғалаба қозонган ва 1 марта дуранг ўйнаган. Умумий ҳисоб 11:3.

Аввалроқ «Юнайтед» Европа Лигасида ПАОКни 2:0 ҳисобида мағлуб этган, Англия чемпионатида «Челси» билан очко бўлишиб (1:1), Англия Лига кубоги 1/8 финалида «Лестер»ни (5:2) ер тишлатганди.

«Манчестер Юнайтед» нидерландиялик мутахассис бошчилигидаги бирорта учрашувда мағлуб бўлмади.