"Рома" ва Украина терма жамоаси ҳужумчиси Артём Довбик "Пичичи кубоги"ни олиш имконияти учун "Жирона" ва унинг шерикларига миннатдорчилик билдирди.
"Аввало Marca нашри йигитларига раҳмат айтмоқчиман, улар менга бу кубокни олиб келишди.
"Жирона"га ўзимни Ла Лигада кўрсатиш имконияти учун миннатдорчилик билдираман. Собиқ жамоадошларимга ҳам раҳмат. Бу менинг кубогим эмас, бу бизнинг кубокимиз. Менимча, биз бунга лойиқмиз", - деди Довбик Marca билан суҳбатда.
Эслатиб ўтамиз, 2024/24 йилги мавсумда Довбик "Жирона" сафида Испания чемпионатининг 36 ўйинида 24 та гол уриб, Ла Лига тўпурарлик пойгасида норвегиялик Александр Шерлотни ортда қолдирган эди. 2024 йилнинг ёзида 27 ёшли украиналик футболчи 30,5 миллион евро эвазига «Рома»га ўтганди.
