ЎФА ва Спорт вазирлиги раҳбарияти Миллий футбол марказидаги қурилиш ишлари билан танишиб, келгуси режаларни муҳокама қилди
Юртимиздаги футбол инфратузилмасини яхшилаш, хусусан, терма жамоаларимиз учун қулай шароитлар яратиш мақсадида Тошкент вилоятида Миллий футбол марказининг қурилиш ишлари қизғин давом этмоқда.
Бугун Ўзбекистон футбол ассоциацияси президенти Абдусалом Азизов ва Спорт вазири Адҳам Икрамов бошчилигидаги ишчи гуруҳ жараён билан яқиндан танишиш ва келгуси режаларни муҳокама мақсадида қурилиш майдончасида бўлди.
Тошкент вилоятининг Юқори Чирчиқ туманида жойлашган ушбу марказ жаҳон стандартларига мос футбол инфратузилмасини ўзида қамраб олади. Спортимиз раҳбариятига мазкур базадан ўрин олган объектлар, хусусан, майдонлар, футболчилар яшаши учун меҳмонхона, ўқув маркази, тиббий-реабилитация биноси, яшил ҳудуд ва яна бир қанча лойиҳалар ҳақида маълумот берилди.
Футболимиз раҳбари тиббий-реабилитация марказини энг сўнги техникалар билан жиҳозлаш, машғулотлар ўтказиш учун зарур бўлган барча инвентанлар билан таъминлаш, спорт учун керакли ҳисобланган барча шароитларни ташкил этиш бўйича топшириқлар берди. Шунингдек, қурилиш ишларига масъул бўлган ташкилоти вакиллари ҳамда мутасаддиларга бир қатор масалалар юзасидан таклифлар берилди
