Келгуси ёзда АҚШ клублар ўртасидаги жаҳон чемпионатига мезбонлик қилади. Бу кенгайтирилган форматдаги биринчи шундай турнир бўлади - 32 та жамоа иштирок этади.
ФИФА расмий сайти 5 декабрь, пайшанба куни клублар ўртасидаги жаҳон чемпионатига қуръа ташлаш маросими бўлиб ўтиши ҳақида хабар берди.
Тадбирлар Майамида бўлиб ўтади ва маҳаллий вақт билан 13:00да (Тошкент вақти билан 23:00) бошланади.
Қуръа ташлаш маросимига қадар клублар ўртасидаги жаҳон чемпионатининг барча 32 иштирокчиси маълум бўлади. Охирги йўлланма ноябрь ойининг охирида, Либертадорес кубоги финал ўйини бўлиб ўтадиган вақтда ўйналади.
