Англияда жуда кучли жанжал юз берди. Ижтимоий тармоқларда бош ҳакам Дэвид Кут "Ливерпуль" ва унинг собиқ бош мураббийи Юрген Клоппни ҳақорат қилган видео пайдо бўлди.
Видео пайдо бўлгандан сўнг, PGMOL тергов бошлади ва ҳозирча Кутни вақтинчалик ҳакамликдан четлатди.
Журналист Даррен Льюиснинг ижтимоий тармоқларда хабар беришича, ҳакам Дэвид Кут ҳар қандай қонунбузарликни қатъиян рад этади. Унинг сўзларига кўра, пайдо бўлган видео ҳақиқий эмас. PGMOL видеони кўриб чиқиш учун техник мутахассисларни жалб қилди.
Эслатиб ўтамиз, "Ливерпуль" ҳозирда Англия чемпионати ва Чемпионлар лигаси пешқадами ҳисобланади.
