Яқинда Туркия ҳукумати "Бешиктош"га ўз уйида "Маккаби"ни қабул қилишни тақиқлаган эди. Бу қарор Туркия-Исроил муносабатларида кескинлик кучайган фонда қабул қилинган. Европа Лигасининг ушбу ўйинини ўтказишга рози бўлган ягона давлат Венгрия бўлди. Ўйин Дебресенда бўлиб ўтади. Шу билан бирга, "Бешиктош" матбуот хизмати учрашув бўш трибуналарда ўтказилишини таъкидлади.
28 ноябрь, пайшанба куни Европа Лигаси умумий босқичининг 5-туридан ўрин олган "Бешиктош" – "Маккаби" учрашуви бўлиб ўтади. Старт ҳуштаги Тошкент вақти билан 22:45 да янграйди. "Бешиктош" тўрт турда олти очко жамғарган бўлса, "Маккаби" барча ўйинларда мағлуб бўлди.
