Грузия терма жамоасининг ўнг қанот ҳимоячиси Леван Шенгелия Украина терма жамоасини мағлуб этмоқчи, чунки бу мухлисларга қувонч бағишлайди.
"Биз бор эътиборимизни кейинги икки ўйинни имкон қадар юқори савияда ўтказишга қаратганмиз. Кейинги босқичга чиқиш учун керакли натижаларни қўлга киритмоқчимиз.
Бизни Украинага қарши биринчи ўйин кутмоқда ва биз грузиялик мухлисларни хурсанд қилиш учун қўлимиздан келганини қиламиз", — деди Шенгелия Sportline.ge билан суҳбатда.
Ноябрь ойида Украина терма жамоаси Грузияга қарши Миллатлар лигаси ўйинини сафарда ўтказади, 19 ноябрь куни эса сўнгги турда Албания билан ўйнайди.
