"Манчестер Юнайтед"нинг янги бош мураббийи Рубен Аморим ўз постида "қизил иблислар"нинг вақтинчалик бош мураббийи Руд ван Нистелройга миннатдорчилик билдирди.

Ижтимоий тармоқда Аморим ван Нистелройнинг суратини жойлаштирди ва унга: "Раҳмат, Руд!" деб изоҳ қолдирди.

Эслатиб ўтамиз, нидерландиялик мутахассис Эрик тен Хаг кетганидан кейин бош мураббий вазифасини бажарувчи бўлганди. 11 ноябрь куни Аморим "Манчестер Юнайтед" мураббийлар штабига раҳбарлик қилди ва ван Нистелрой клубни тарк этди.

11 ўйиндан кейин "Манчестер Юнайтед" турнир жадвалида 13-ўринда бормоқда. Жамоа навбатдаги учрашувни 24 ноябрь куни АПЛнинг 12-турида “Ипсвич” билан меҳмонда ўтказади.