Виссам Бен Йеддер жинсий тажовузда айбланиб, шартли қамоқ жазосига ҳукм қилинди.
"Монако"нинг собиқ ҳужумчиси маст ҳолда машинада жинсий зўравонлик қилганликда айбланиб, Ниццадаги судга келди. Прокурор 34 ёшли футболчини икки йилу 6 ойга озодликдан маҳрум қилишни, жумладан 18 ойлик синов муддатини ҳам талаб қилди.
RMC Sport хабарига кўра, суд Бен Йеддерни барча моддалар бўйича айбдор деб топди ва футболчини икки йиллик шартли қамоқ жазосига ҳукм қилди.
"Монако"нинг собиқ форварди шунингдек, жабрланувчига маънавий зарар етказгани учун 5000 евро товон пули ва 1500 евролик суд харажатларини ўз бўйнига олди.
Полиция буйруғига бўйсунмагани учун Бен Йеддер 6 ойга машина ҳайдаш ҳуқуқидан маҳрум қилинди ва 5000 евро жаримага тортилди.
