"Манчестер Сити" ярим ҳимоячиси Жек Грилишнинг келажаги ноаниқлигича қолмоқда.
Англиялик футболчи кетма-кет иккинчи мавсумдан бери жароҳатлар ва фитнес муаммоларидан азият чекмоқда ва шу сабабли "шаҳарликлар"нинг асосий таркибида камдан-кам майдонга тушмоқда. Football Insider хабарига кўра, миш-мишлар Грилишнинг "Манчестер Сити"дан кетиши мумкинлиги билан боғлиқ, "Тоттенхэм" даъвогарлардан бири. "Шпорлар" 29 ёшли ҳужумкор ярим ҳимоячини потенциал трансфер мақсади сифатида қўшган.
Қайд этилишича, "Манчестер Сити" жамоадаги кадрлар муаммоси туфайли Грилишни январда сотмайди, шу боис футболчини ўз сафига тортмоқчи бўлганлар ёзгача кутишга тўғри келади.
